హైదరాబాద్ లో మరింత పెరగనున్న ఉష్ణోగ్రతలు!

రాబోయే రెండు మూడ్రోజుల్లో హైదరాబాద్ నగరంలో ఉష్ణోగ్రతలు మరింత పెరగనున్నాయి. ఇటీవల కురిసిన వర్షాలతో వాతావరణం క్రమేపి చల్లబడినప్పటికీ మళ్లీ వేడెక్కుతోంది. సాధారణ ఉష్ణోగ్రతల కంటే 2 డిగ్రీల అధిక ఉష్ణోగ్రతలు నమోదవుతున్నట్టు బేగంపేట వాతావరణ శాఖాధికారులు తెలిపారు.

ఈ సందర్భంగా వాతావరణ శాఖ డైరెక్టర్ నాగరత్నం మాట్లాడుతూ, మే నెలలో సాధారణం కంటే 3 నుంచి 4 డిగ్రీల అధికంగా వాతావరణ ఉష్ణోగ్రతలు నమోదవుతాయని చెప్పారు. కాగా, గత ఐదు రోజులుగా హైదరాబాద్ లో నమోదైన గరిష్ఠ ఉష్ణోగ్రతలు 40.7, 39.3, 39.0,  35.5, 39.0 కాగా, కనిష్ఠ ఉష్ణోగ్రతలు  25.8, 27.3, 25.8, 21.9, 26.9 గా ఉన్నాయి.