'సాహో'కు షాక్.. ఆన్ లైన్ లో సినిమా లీక్

దాదాపు రూ. 350 కోట్ల భారీ బడ్జెట్ తో తెరకెక్కిన ప్రభాస్ తాజా చిత్రం 'సాహో' ఈరోజు విడుదలైంది. మరోవైపు, సాహో టీమ్ కు ఊహించని షాక్ తగిలింది. సినిమా విడుదలైన గంటల వ్యవధిలోనే ఈ చిత్రం ఆన్ లైన్లో దర్శనమిచ్చింది. తమిళ్ రాకర్స్ అనే వెబ్ సైట్ ఈ చిత్రాన్ని లీక్ చేసింది. హైక్వాలిటీ ఉన్న 'సాహో' చిత్రం ఆన్ లైన్లో డౌన్ లోడ్ చేసుకోవడానికి సిద్ధంగా ఉందని Bollywoodlife.com వెబ్ సైట్ వెల్లడించింది.

తమిళ్ రాకర్స్ ఓ చిత్రాన్ని లీక్ చేయడం ఇదే తొలిసారి కాదు. అమీర్ ఖాన్, సల్మాన్ ఖాన్, రణవీర్ సింగ్, అక్షయ్ కుమార్, రజనీకాంత్ తదితర సూపర్ స్టార్లంతా ఈ వెబ్ సైట్ బారిన పడినవారే. బాలీవుడ్ మూవీలను సైతం ఈ వెబ్ సైట్ లీక్ చేసిన సందర్భాలు ఎన్నో ఉన్నాయి.