పండంటి బిడ్డకు జన్మనిచ్చిన సినీ నటి స్నేహ

సినీ నటి స్నేహ నిన్న పండంటి బిడ్డకు జన్మనిచ్చింది. ఈ విషయాన్ని తన ఇన్స్టాగ్రామ్ ద్వారా తెలిపింది. సినీ నటుడు ప్రసన్నను స్నేహ ప్రేమ వివాహం చేసుకున్న సంగతి తెలిసిందే. వీరికి ఇప్పటికే విహాన్ అనే కుమారుడు ఉన్నాడు. శుక్రవారం నాడు ఆడబిడ్డ పుట్టడంతో వారి కుటుంబం ఆనందంలో మునిగిపోయింది.

తమ ఇంట్లోకి మహాలక్ష్మి వచ్చిందని స్నేహ దంపతులు సంబరాలు జరుపుకుంటున్నారు. ఒకానొక సమయంలో టాలీవుడ్ లో అగ్ర నటీమణుల్లో ఒకరిగా స్నేహ వెలుగొందింది. కెరీర్ ఉన్నతపథంలో ఉన్న సమయంలో 2012లో ప్రసన్నను ఆమె పెళ్లాడింది. ఆ తర్వాత సినిమాలను తగ్గించిన స్నేహ... క్యారెక్టర్ రోల్స్ లో సెకండ్ ఇన్నింగ్స్ ను ప్రారంభించి బిజీగా ఉంది.