ఉప్పెన నుంచి 'నీ కన్ను నీలి సముద్రం' పాట రిలీజ్
- సాయిధరమ్ తేజ్ సోదరుడు వైష్ణవ్ తేజ్ అరంగేట్రం
- బుచ్చిబాబు సాన దర్శకత్వంలో రూపుదిద్దుకుంటున్న 'ఉప్పెన'
- సంగీతం సమకూర్చిన దేవిశ్రీప్రసాద్
మెగా హీరో సాయిధరమ్ తేజ్ సోదరుడు పంజా వైష్ణవ్ తేజ్ హీరోగా పరిచయం అవుతున్న చిత్రం 'ఉప్పెన'. తాజాగా ఈ సినిమా నుంచి 'నీ కన్ను నీలి సముద్రం' అనే మధురమైన గీతాన్ని చిత్రబృందం రిలీజ్ చేసింది. దేవిశ్రీప్రసాద్ సంగీతానికి శ్రీమణి సాహిత్యం అందించగా, జావేద్ అలీ గానం చేశారు. బుచ్చిబాబు సాన దర్శకత్వంలో వస్తున్న ఈ సినిమాలో వైష్ణవ్ తేజ్ సరసన కృతి శెట్టి కథానాయికగా నటిస్తోంది. మైత్రీ మూవీ మేకర్స్, సుకుమార్ రైటింగ్స్ సంయుక్తంగా తెరకెక్కిస్తున్నాయి.
