తన జుట్టునే ఫ్యాన్‌లా వాడేసిన వ్యక్తి.. వీడియో షేర్ చేసిన అమితాబ్ బచ్చన్

బాలీవుడ్ దిగ్గజం అమితాబ్ బచ్చన్ సోషల్ మీడియాలో చాలా యాక్టివ్ గా ఉంటారు. తనకు సంబంధించిన విషయాలతో పాటు ఇతర విషయాలను ఎప్పటికప్పుడు అభిమానులతో పంచుకుంటుంటారు. తాజాగా ఆయన ఓ ఆసక్తికర వీడియోను పోస్ట్ చేశారు. రోడ్డు మీద నడుస్తున్న ఓ వ్యక్తి తన తల వెనుక భాగంలో పొడవాటి జుట్టును ఫ్యాన్ మాదిరిగా తిప్పుతున్న వీడియోను పంచుకున్నారు.

‘ఈ వేసవి వీడిలో గాలికోసం అతను తన సొంత ఫ్యాన్‌ను తీసుకువెళ్తున్నాడు’ అని క్యాప్షన్ ఇచ్చారు. ఖాకీ డ్రెస్సులో వేగంగా నడుచుకుంటూ వెళ్తున్న ఆ వ్యక్తి పోలీస్ ఉద్యోగిలా ఉన్నాడు. కాగా, ఈ మధ్యే ముంబై ట్రాఫిక్ లో చిక్కుకున్న అమితాబ్‌ బచ్చన్‌ ఓ బైకర్‌ను లిఫ్ట్‌ అడిగి షూటింగ్ లొకేషన్‌కు చేరుకున్నారు. కానీ, బైకర్, ఆయన హెల్మెట్ లేకుండా ప్రయాణం చేయడంపై తీవ్ర విమర్శలు వచ్చాయి.