త్వరలో టాలీవుడ్ భామ అనీషా పెళ్లి

'అలియాస్ జానకి' చిత్రంతో హీరోయిన్ అయిన ముద్దుగుమ్మ అనీషా ఆంబ్రోస్ త్వరలో పెళ్లి చేసుకోనుంది. ఇటీవల వచ్చిన 'నగరానికి ఏమైంది?' చిత్రంలో నటించిన అనీషా, ఆ తర్వాత మళ్లీ ఏ సినిమా చేయలేదు. జేఎంఆర్ కన్ స్ట్రక్షన్స్ ఈడీ గుణ జక్కతో గత నెల చివరి వారంలో ఆమె నిశ్చితార్థం చాలా సీక్రెట్ గా జరిగిపోయింది. తాజాగా తన నిశ్చితార్థ ఫొటోలను సోషల్ మీడియాలో పంచుకోవడంతో... ఈ వ్యవహారం బయటకు వచ్చింది. కేవలం కుటుంబసభ్యులు, కొంత మంది సన్నిహితుల సమక్షంలోనే నిశ్చితార్థం జరిగినట్టు సమాచారం. ఇప్పటి వరకు 10 చిత్రాల్లో అనీషా నటించింది. త్వరలోనే వీరి వివాహం జరగనుంది.