సినిమా కబుర్లు.. సంక్షిప్త సమాచారం

 *  తాను నటించనున్న ఓ చిత్రం కోసం కథానాయిక లావణ్య త్రిపాఠి ప్రస్తుతం హాకీ క్రీడలో శిక్షణ పొందుతోంది. సందీప్ కిషన్, లావణ్య జంటగా హాకీ నేపథ్యంలో 'ఏ 1 ఎక్స్ ప్రెస్' పేరిట ఓ చిత్రం రూపొందనుంది. ఈ చిత్రం కోసమే ప్రస్తుతం లావణ్య శిక్షణ తీసుకుంటోంది.

*  చిరంజీవి, కొరటాల శివ కాంబినేషన్లో రూపొందుతున్న చిత్రంలో రామ్ చరణ్ ప్రత్యేక పాత్ర పోషించనున్న సంగతి విదితమే. ఇందులో ఆయన నక్సలైట్ గా తీవ్రవాది పాత్రలో నటించనున్నట్టు సమాచారం.

*  నాని హీరోగా శివ నిర్వాణ దర్శకత్వంలో రూపొందుతున్న 'టక్ జగదీశ్' చిత్రం షూటింగ్ ప్రస్తుతం పొలాచ్చిలో జరుగుతోంది. ప్రధాన తారాగణంపై మరో వారం రోజుల పాటు అక్కడ సన్నివేశాలను చిత్రీకరిస్తారు. ఇందులో రీతూ వర్మ, ఐశ్వర్య రాజేశ్ హీరోయిన్లుగా నటిస్తున్నారు.