రాంగోపాల్ వర్మ సినిమా ప్రీరిలీజ్ ఈవెంట్ కు చీఫ్ గెస్ట్ గా రేవంత్ రెడ్డి!

కొండా మురళి, కొండా సురేఖల జీవిత కథతో ప్రముఖ సినీ దర్శకుడు రాంగోపాల్ వర్మ తెరకెక్కించిన చిత్రం 'కొండా'. ఈ నెల 23న ఈ చిత్రం విడుదల కాబోతోంది. ఈ సినిమా ప్రీరిలీజ్ ఈవెంట్ ఈ నెల 18న వరంగల్ లో జరగనుంది. ఖుష్ మహల్ గ్రౌండ్ లో 18న సాయంత్రం 6.30 గంటలకు ఈ వేడుక ప్రారంభం కానుంది. 

ఈ ఈవెంట్ కు టీపీసీసీ అధ్యక్షుడు రేవంత్ రెడ్డి ముఖ్య అతిథిగా హాజరు కాబోతున్నారు. ఈ విషయన్ని ఆర్జీవీ ట్విట్టర్ ద్వారా వెల్లడించారు. ప్రీరిలీజ్ ఈవెంట్ కు వస్తున్న తన మిత్రుడు, తెలంగాణ సింహం రేవంత్ రెడ్డికి 'కొండా' సినిమా యూనిట్ తరపున కృతజ్ఞతలు తెలుపుతున్నానని చెప్పారు.