సల్మాన్ ఖాన్, పూజ హెగ్డేలకు తన ఇంట్లో ఆతిథ్యమిచ్చిన రామ్ చరణ్

బాలీవుడ్ సూపర్ స్టార్ సల్మాన్ ఖాన్ ప్రస్తుతం తన కొత్త చిత్రం 'కభీ ఈద్ కభీ దివాలీ' షూటింగ్ కోసం హైదరాబాదులో ఉన్నారు. ఈ చిత్రంలో పూజ హెగ్డే కథానాయిక. కాగా, టాలీవుడ్ అగ్రనటుడు రామ్ చరణ్... సల్మాన్ ఖాన్, పూజ హెగ్డేలకు తన ఇంట్లో ఆతిథ్యం ఇచ్చారు. వీరికి విక్టరీ వెంకటేశ్ కూడా జత కలిశాడు. దాంతో, చరణ్ నివాసంలో సందడి నెలకొంది. 

ఈ సందర్భంగా, సల్మాన్, పూజ, వెంకీలకు రామ్ చరణ్, ఉపాసన దంపతులు విందు ఏర్పాటు చేశారు. దీనికి సంబంధించిన ఫొటోలు సామాజిక మాధ్యమాల్లో సందడి చేస్తున్నాయి. కొన్నిరోజుల కిందటే సల్మాన్ ఖాన్ మెగాస్టార్ చిరంజీవి ఇంట కూడా ఆతిథ్యం అందుకున్నారు.