మాల్దీవుల్లో స్పీడ్బోట్ బోల్తా... ప్రముఖ వ్యాపారవేత్త గౌతమ్ సింఘానియాకు గాయాలు
- మాల్దీవుల్లో స్పీడ్బోట్ ప్రమాదం
- రేమండ్ ఎండీ గౌతమ్ సింఘానియాకు గాయాలు... ముంబై తరలింపు
- ప్రమాదంలో ఇద్దరు భారతీయుల ఆచూకీ గల్లంతు
- గల్లంతైన వారి కోసం కొనసాగుతున్న గాలింపు చర్యలు
ప్రముఖ పారిశ్రామికవేత్త, రేమండ్ గ్రూప్ ఛైర్మన్ గౌతమ్ సింఘానియా మాల్దీవుల్లో జరిగిన స్పీడ్బోట్ ప్రమాదంలో గాయపడ్డారు. ఆయన ప్రయాణిస్తున్న బోటు సముద్రంలో పల్టీ కొట్టడంతో ఈ ఘటన చోటుచేసుకుంది. ఈ ప్రమాదంలో మరో ఇద్దరు భారతీయులు గల్లంతయ్యారు. వీరిలో ప్రముఖ ర్యాలీ డ్రైవర్ హరి సింగ్ ఒకరు.
మాల్దీవుల్లోని వెల్ ఫెలిధూ సమీపంలో శుక్రవారం ఉదయం ఈ దుర్ఘటన జరిగింది. మొత్తం ఏడుగురు ప్రయాణికులతో వెళ్తున్న స్పీడ్బోట్ అదుపుతప్పి బోల్తా పడింది. వీరిలో ఐదుగురు భారతీయులు, ఒక బ్రిటిష్ మహిళ, ఒక రష్యన్ మహిళ ఉన్నారు. ప్రమాదం జరిగిన వెంటనే ఐదుగురు సముద్రంలో పడిపోయారు. సహాయక బృందాలు రంగంలోకి దిగి గౌతమ్ సింఘానియాతో పాటు మరికొందరిని సురక్షితంగా రక్షించాయి.
ఈ ప్రమాదంలో స్వల్ప గాయాలపాలైన గౌతమ్ సింఘానియాను ముంబైకి తరలించారు. ప్రస్తుతం ఆయన వైద్యుల పర్యవేక్షణలో కోలుకుంటున్నారని, ఆయన ఆరోగ్యం నిలకడగా ఉందని ఆయన ప్రతినిధి ఒక ప్రకటనలో తెలిపారు. "ఈ దురదృష్టకర ప్రమాదంలో సింఘానియాకు స్వల్ప గాయాలయ్యాయి. ఆయన ముంబైలో కోలుకుంటున్నారు. ప్రమాదంలో చిక్కుకున్న స్నేహితుల కోసం ప్రార్థిస్తున్నాం," అని ఆ ప్రకటనలో పేర్కొన్నారు.
అయితే, ఈ ప్రమాదంలో గల్లంతైన ఇద్దరు భారతీయుల ఆచూకీ ఇంకా లభించలేదు. మాల్దీవుల అధికారులు వీరి కోసం గాలింపు చర్యలను ముమ్మరం చేశారు. ఈ ఘటనపై దర్యాప్తు కొనసాగుతోంది.
మాల్దీవుల్లోని వెల్ ఫెలిధూ సమీపంలో శుక్రవారం ఉదయం ఈ దుర్ఘటన జరిగింది. మొత్తం ఏడుగురు ప్రయాణికులతో వెళ్తున్న స్పీడ్బోట్ అదుపుతప్పి బోల్తా పడింది. వీరిలో ఐదుగురు భారతీయులు, ఒక బ్రిటిష్ మహిళ, ఒక రష్యన్ మహిళ ఉన్నారు. ప్రమాదం జరిగిన వెంటనే ఐదుగురు సముద్రంలో పడిపోయారు. సహాయక బృందాలు రంగంలోకి దిగి గౌతమ్ సింఘానియాతో పాటు మరికొందరిని సురక్షితంగా రక్షించాయి.
ఈ ప్రమాదంలో స్వల్ప గాయాలపాలైన గౌతమ్ సింఘానియాను ముంబైకి తరలించారు. ప్రస్తుతం ఆయన వైద్యుల పర్యవేక్షణలో కోలుకుంటున్నారని, ఆయన ఆరోగ్యం నిలకడగా ఉందని ఆయన ప్రతినిధి ఒక ప్రకటనలో తెలిపారు. "ఈ దురదృష్టకర ప్రమాదంలో సింఘానియాకు స్వల్ప గాయాలయ్యాయి. ఆయన ముంబైలో కోలుకుంటున్నారు. ప్రమాదంలో చిక్కుకున్న స్నేహితుల కోసం ప్రార్థిస్తున్నాం," అని ఆ ప్రకటనలో పేర్కొన్నారు.
అయితే, ఈ ప్రమాదంలో గల్లంతైన ఇద్దరు భారతీయుల ఆచూకీ ఇంకా లభించలేదు. మాల్దీవుల అధికారులు వీరి కోసం గాలింపు చర్యలను ముమ్మరం చేశారు. ఈ ఘటనపై దర్యాప్తు కొనసాగుతోంది.